Puisi Bali

20 February 2006

SARASWATI

Nyabran rahina Sanisçara wuku Dungulan

Kawastanin rahina Saraswati

Pinaka simbul kaweruhan

Sane patut kamargiang olih karma Hindu

Ring rahina puniki

Sisya-sisya sareng sami

Rauh ka sekolah

Jagi ngaturang bakti

Sareng guru lan timpal-timpal

Swadarmaning anake kantun alit

Patut malajah nincapang kaweruhan

Kaweruhan luir senjata

Kaanggen ngeruruh merta

Seenun I ragane maurip

Benjangnyane rahina Redite wuku Sinta

Makudang-kudang anake ka Segara

Jagi malukat, ngelebur dasamala

Nunas ica ring Sang Hyang Baruna

Bali di Hati

Bali asri, Bali lestari

Masunar galang kadi matan ai

Magesir gigis kadi angin segarane

Girang, liang kerasa di hati

Ritatkala yoanane pada kukuh maagama

Setata raket sekadi kabut Kintamani

Mautsaha ngerajegang Bali

Ngelestariang budaya Bali

Lan ngrestiti ring Hyang Widhi

(ngrestiti = berdoa)

                GALUNGAN

Ring Budha Kliwon Dungulan

Penjor sampun ngadeg kukuh

Sampian sampun ngiasin pamerajane

Anake sampun siaga ngaturang banten

Ring merajan lan pura-pura

Pinaka cihna nyambut keagengan Dharma

Sane sampun ngesorang Adharma

Gumine sekadi mangkin

Patut kaajegang sareng sami

Patut kapolihang antuk kalestariannyane

Mangda jagate lanus lan kertha raharja

Ring rahinane puniki

I raga patut nincapang sradha bakti

Saha ngaturang suksmaning manah

Antuk paswecan Ida Sang Hyang Widhi

(lanus = tumbuh berkembang dengan baik)

                NYEPI

Rikala matan ai ngesor kauh

Sandikala makeh anak nyambatang

Ogoh-ogoh mangibarin desa

Jagi ngulah kala sarwa gumatat-gumitit

Mangda nenten ngulgulin jadma

Kala warsa masalin

Lemah kalawan peteng

Malebur peteng awai

Maganti warsa caka anyar

Sami trepti ngelaksanayang brata

Nenten dados ngidupang geni

Nenten dados malelanguan

Nenten dados malelungan

Nenten dados makarya

Sami semeton nyalakang

Nyarengin rahina Panyepian

(trepti = tertib)

                NYEPI

Rikalaning Tilem sasih Kesanga

Kawastanin rahina Pengrupukan

Ogoh-ogoh mangiterin desa

Kaigelang olih teruna-teruni

Pinaka cihna ngulah Bhuta Kala

Benjangnyane kawastanin rahina Nyepi

Magentos warsa Caka anyar

Sane kalaksanayang olih karma Hindu

Maduluran antuk Catur Brata Penyepian

Sampun ketah ring sejebag jagat Bali

Indik Catur Brata Penyepian

Nika patut kamargiang

Mangda mikolihin pikayun becik

Nyanggra sepengrauh warsa Caka anyar

Wastu sida nemu rahajeng kawekasan

(magentos = pergantian)

(ketah = terkenal)

(sejebag = seluruh)

(wastu sida = semoga)